In einem Wiener Vorstadtbeisel.
Mehrere Gäste, vereinzelt an Tischen sitzend.

Frau: …de Schiffskatastrophe in Griechenland, scho a Wohnsinn…
Mann1: … a poor hundert Tote , dersoffn.
Frau: Und viele Kinder und Jugendliche unter den Opfern. Viele san gonz allan unterwegs gwesn.
Mann2: … des tua i sowieso ned vastehn. Wia kann i ois Elternteil meine Kinder auf so a Schiff bringa?
Frau: Des is die pure Vazweiflung.
Mann2: Wos hasd do Vazweiflung, de Schlepper san do ois Kriminelle, denen tua i do ned meine Kinder geben.
Frau: Die hoffen halt auf a besseres Leben.
Mann1: Ja, fir die Schlepper, aber sunst für gor niamand.
Mann2: I was ned, wos de do drunten glauben… de manen sie kummen bei uns ins Paradies…
Mann1: Jetz sans eh durt.
Frau: Trottel. Du hosd ka Gfüh.
Mann1: Wos hasd ka Gfüh? Des gonze is doch sinnlos. Wos solln de bei uns do tuan?
Mann2: Do tuat der Heinzi schu recht hobn. Des san jo ois Analphabeten, de ned lesen und schreim kenna. Wos wüsd mit denen da bei uns?
Frau: Ned olle. Und helfn muas man denen scho…
Mann1: Sicher san des arme Hund, aber bei uns is hoid ka Plotz für de halbe Wöd.
Mann2: I tatat de gonzn Schiffln abfongen und wieder durthin bringen, wos herkumma. Dann hört sich des schu auf mit die kriminellen Schlepper.
Frau: Noch kummans hoid vu woanders her.
Mann1: Jo eh. Drum muas ma do a zuamochn.
Mann2: Do unten, die miasn se söwa höfn und ned afoch davonlaffen. Wos hätten do unsere Oiden nach dem Kriag mochn soin. Davorenna?
Frau: Des war wos onders.
Mann1: Imma is des was onders. Gor nix wor des onders. Du muasd de söwa ausm Dreck ziagn.
Frau: Des ane Schiffl, des mit die Millionäre vu der Titanic, da homs ois gmocht, um de zun retten.
Mann1: Hod ower a nix gnutzt.
Frau: Die Wöd is ungerecht, was wü ma mochn.
Mann1: Nix konnst mochn. Des is aso und werd imma so bleim.
Mann2: So is und ned onders. De soidn unten bleim und ned zu uns kemma, weils glam, bei uns is des Paradies.