Griaß Di Gott, alter Spezi
mei wia mi des gfreit
hab di lang nimmer gsehgn
aber heut grad koa Zeit

Vielleicht nächste Wochn
da wirds na‘ schun gehen
es isch grad so stressig
du muasch des verstehn

Ich hab‘ viel Termine
mir riafn ins z’zsamm
aber iatz muaß i laffn
mir sehen ins dann

Da hasch Du mi angschaut
i woaß gar nit wia
es hat mir ganz wehtan
so war des no nia

Es isch nit lang her
da warn mir beinand
wie Pech und wia Schwefel
und mit’n gleichen Gwand

Es hat koan Termin braucht
und all’s hat ins gfreit
die besten Freund halt
und immer war Zeit

Die Tag de wearn kürzer
I sich des mit Neid
aber wenn‘s a schlecht ausgeat
für an Freund hab i Zeit

Man hat nit so viele
a wenn’s oft so scheint
Von hundert isch oaner
der’s guat mir Dir meint

Und grad weil die Zeit rennt
und’s Leben vergeigt
i glab es isch wichtig
für an Freund nimm Dir Zeit